Wéi ee Minettsquai ass dëst? Geléist: Adlergrund

Hei ass d'Léisung vum Patrick Reinert:

Et ass de leschten Quai lenks op der Streck Hussigny - Audun virum Tunnel, vun Hussigny op den Tunnel gekuckt, vis-à-vis vun der Gare Adlergrund (Redange/Moselle).

Den Ed hat eis mat sengem Tipp op en Quai an der Geigend vun Audun-le-Tiche ( Streck Audun - Hussigny) op déi richteg Spur bruecht! Villmols merci nach eng Kéier!

Hei si méih aktuell Biller vum Quai vum Patrick:



D'Bascule hat schon én ronnen Cadran.


D'Potoën sin aus Beton, mat enger Nut fir deck Dill anzeléen (fir dat kén Minerai op d'Haaptstreck fällt).

Hei e Plang aus dem Buch "Eisenerzgruben im Erzbecken von Beles - Differdingen - Rodingen" vum Ed - Federmeyer - Pierre Pasquali :




Villmols merci nach eng Kéier fir all E-Mail + Hëllef!

Bis geschwenn,

Jean-Marie

Hei sin e puer Informatiounen vum Ed. Federmeyer:

"Ech tippen op en Quai an der Geigend vun Audun - le - Tiche ( Streck Audun - Hussigny ?).

Den SNCF Tombereau ass net am EUROP an huet och keen P-Zechen fir Privatwoon. En eenzelnen friemen Güterwon ass normalerweis, wann en net am EUROP wor, net am Ausland gelueden ginn. SNCF Ween ouni EUROP hei am Land waren normalerweis privat Ween an ganzen Rammen.
Et sin och keng Tombereau'en bekannt dei d'CFL em dei Zeit geleint huet. Daat wor eng Kategorie vun Ween dären d'CFL der vill ze vill haat.

EUROP gouf ët vun 1953 uns - mais virdrun ass e friemen Woon nom Entlueden direkt zreck an seng Hemecht gaang an et ass (sovill ech wees) och keen eenzelnen friemen Woon hei am Land gelueden gin. Daat wor jo vun 1953 uns den Zweck vum EUROP.."


Villmols merci!

Ech ging spontan op d'Neiduerf zu Esch tippen, mais ech kann awer falsch leien.

Mir sichen wou a wéini dës Foto vun dem Minettsquai gemach gouf:


Virum Quai steht den SNCF Wagon mat der Nummer Tw 7752898

Poteauën trennen d'Quai-Gleis an d'Haaptgleis. Am Haaptgleis lait eng Weich.

D'Bascule vum Quai ass mat Betonszille gebaut, huet ee klenge Virbau, an ee flachen Dach.

Um Quai steet eng Willy's Jeep, mat der Plaquen-Nummer 3189, déi mat engem Seel 2 Buggien zit. Déi Jeep huet nom "Relevé des automobiles et des avions 1960" dun dem "Henri Bruch, Peinture/Décors, Esch/Alzette" gehéiert. An de Buggien schingt kee Minett, mais Sperrmüll ze leien. D'Foto gouf jo mol nom 2. Weltkrich gemach.

Villmols merci am Viraus fir all Tipp an all Hëllef!

Jean-Marie