TGV - Stroosbuerg

Mehr
21 Sep 2018 16:46 #5234 von marv91
marv91 antwortete auf das Thema: TGV - Stroosbuerg
Ech ginn den zwee Memberen Recht wat se schreiwen. Ech hunn Beispill Flixbus just dohigeschriwwen fir ze weisen mee absent Zuchoffer ab Lëtzebuerg ass a dass lo Flixbus durunner profitéiert.

Bitte Anmelden oder Registrieren um der Konversation beizutreten.

Mehr
21 Sep 2018 16:05 #5233 von Marc Sinner
Marc Sinner antwortete auf das Thema: TGV - Stroosbuerg
Leider hunn d'Eisebunnen bis haut net verstanen, datt si mussen e besseren Service bidden, wann se wëllen verhënneren, datt d'Client'en op aner Verkehrsträger (wéi de Fernbus oder de Flieger) ofwanderen. Et fueren wéineg Leit just mam Zuch, well et den Zuch ass. D'Leit wëllen vun A op B an wann d'Eisebunne gären hätten, datt d'leit matt hinnen fueren, dann muss de Service stëmmen.

Am Airline-Business gëtt et d'Konzept vun der sougenannter "S-Kurve", déi seet datt ab enger gewësser Frequenz pro Dag/Woch d'Nofro iwerproportional staark klëmmt. Ech gesinn keen fundamentalen Grond firwaat daat net och am Eisebunnsfernverkéier sollt de Fall sinn. Am konkreten Fall schengt mer déi optimal Frequenz bei 4 Verbindungen pro Dag op Strosbuerg erreecht ze sinn: Départ zu Lëtzebuerg z.B. um 7:30, 11:30, 15:30 an 19:30. Arrivée um 9:30, 13:30, 17:30 an 21:30.

Ech gesinn et ganz onemotional, wann hei (muss) Reklamm fir de Fernbus gemaach ginn. Daat ass de beschte Beweis, datt de Service vun der Eisebunn net de Besoin'en vun de Leit entsprëcht.

Wann d'Verbindung mam TGV vun Lëtzebuerg op Strosbuerg a weider Richtung Basel besser wier, dann ging ech se och méi oft brauchen. Ech maachen reegelméisseg den Trajet Zürich-Lëtzebuerg. Mee well d'Angebot vum Zuch elo schon esou schlecht ass (et gëtt keen Retour Richtung Strosbuerg am spéiden Nomëtteg), huelen ech an der Regel de Flieger. Deen ass zwar méi deier, mee ech hunn de Choix tëschent dräi Verbindungen pro Dag. Wahnsinneg méi séier ass et net. Et kann een Zürich-Lëtzbuerg haut schon 1x den Dag an 4 Stonnen fueren (matt 1x ëmsteigen zu Mulhouse). Daat ass vun der Fuerzäit hier duerchaus kompetitiv. Dorunner läit et net. Mee et mussen Verbindungen dann existéiren, wann d'Leit wëllen fueren. An daat ass momentan net de Fall. An riskéiert an Zukunft leider nach schlëmmer ze ginn.
Folgende Benutzer bedankten sich: !!RH!!

Bitte Anmelden oder Registrieren um der Konversation beizutreten.

Mehr
21 Sep 2018 11:20 #5232 von Carlo
Carlo antwortete auf das Thema: TGV - Stroosbuerg
Ech fannen et einfach schlëmm, dass d'Eisebunnen esou eroofkomm sin. A schlëmm fannen ech et och, dass op dësem Site och nach Reklamm fir Flixbus etc gemaacht gët. Mär wëssen ounihin, dass sou Bussen nëmmen fonktionnéieren, well de Chauffeuren ze niedrig Léin bezuelt gin an ze laang Uarbechtszéiten operluecht gin. Ausserdem brauchen Bedreiwer neischt opder nëmmen roosewéineg fir de Gebrauch vun der Infrastruktur ze bezuelen.

Bitte Anmelden oder Registrieren um der Konversation beizutreten.

Mehr
16 Sep 2018 11:12 #5227 von marv91
marv91 antwortete auf das Thema: TGV - Stroosbuerg
Also, Flixbus huet schon eng Relatiounen Richtung Schwäiz opgesat :
Lëtzebuerg - Zürich 2x den Dag (départ : 03h20 fir 6 Std Fahrt a 11h30 fir 7 Std Fahrt)
Lëtzebuerg - Strasbourg : 4x den Dag (départ : 0h05, 1h10, 3h20 a 11h30 fir +/- 3 Std Fahrt)
Lëtzebuerg - Basel : réf. Lëtzebuerg - Zürich + e Départ um 22h20

Fir de Retour :
Basel - Lëtzebuerg : 01h25, 11h10 a 22h50 ab Basel SBB
Zürich - Lëtzebuerg : 09h50 a 21h40
Strasbourg - Lëtzebuerg : 01h05, 01h15, 02h00 a 14h00

Richtung Chur a Interlaken gëtt et keng Direkt-Relatioun

Lëtzebuerg - Genua (freides bis dënsdes) a Lëtzebuerg - Milano (mëttwochs bis sonndes) ass och e Mol den Dag méiglech.

Och Lëtzebuerg - Freiburg (Brsg) ass méiglech e mol den Dag.
Folgende Benutzer bedankten sich: !!RH!!

Bitte Anmelden oder Registrieren um der Konversation beizutreten.

Mehr
14 Sep 2018 23:35 #5225 von Marc Sinner
Marc Sinner antwortete auf das Thema: TGV - Stroosbuerg
Wann daat ging stëmmen, dann wier d'Verbindung vun Lëtzbuerg op Strosbuerg (an doriwer eraus op Basel an an d'Schwäiz) um Déifpunkt ukomm. Flixbus an d'Swiss freeën sech schon.

Just als Erënnerung: eigentlech waren emol matt de Fransousen 4 Verbindungen pro Dag souwuel op Paräis an op Strosbuerg vereinbart ginn. Dovun sinn mer am Fall vun Strosbuerg haut wäit eweg.

Et ass haut z.B. net méiglech en Dages-Aller-Retour Strosbuerg-Lëtzebuerg ze maachen. Déi zwou Verbindungen vun Strosbuerg op Lëtzebuerg sinn mëttes, während se an der anderer Richtung allen zwou moies sinn. E Geschäftsmann vun Strosbuerg, deen eng Sitzung zu Lëtzebuerg huet, kann deen Déplacement net mam TGV maachen, et sief e géng zwou Nuechten zu Lëtzebuerg am Hotel bleiwen. Daat kann een nëmmen ganz schwéier eng sérieux Eisebunnsverbindung nennen. Esou gewënnt een keng Clienten.
Folgende Benutzer bedankten sich: !!RH!!

Bitte Anmelden oder Registrieren um der Konversation beizutreten.

Mehr
13 Sep 2018 00:14 #5224 von !!RH!!
!!RH!! erstellte das Thema TGV - Stroosbuerg
Gudden Owend,

Ech wollt emol hei an der Ronn froen, ob TGV's Verbindunge Richtung Stroosbuerg mom Fahrplanwiessel vum 9/12 zesumme gestrach gin. Ech fannen déi flott Tagesrandverbindung net méih: dép. LUX 7h24 , retour dép. STR 21h59.

Souwait ech elo gesin bleiwt jhust nach eng direkt Verbindung iwwereg, wous de ereischt um 13 h zou STR bass an schons um 16h misst zereck fueren.

MbG

Bitte Anmelden oder Registrieren um der Konversation beizutreten.

Ladezeit der Seite: 0.110 Sekunden
Zum Seitenanfang