Gare Ettelbrëck

Moien,

ech fannen se sollten einfach ënnerierdesch Fuusgängerweër maachen, and dann wier den Stau seu gutt wei nët mei do. All moien ass et daat nemlescht, wann den Zuch mat all den Schüler unkënnt ass op manst fir 5 minuten eseu een Stau dass keen eenzegen auto mei vun der plaatz kennt. Och beim Pensionat ass deen Problem (Kreizung beim Café Bofferding)

Max

Wann ët mat der Ettelbrëcker Gare geet wéi mam Projet vun der Nordstaat dann brauchen mer ons kéng Suergen ze maachen.
Dovunner héiert een och näischt méi,an daat ass gut esou,do waren och verschidden Leit(Politiker) gréissenwahnsinnëg gin.Wann een deenen Leit nogelauschtert hätt dann géif haut zwëschen Ettelbrëck an Diekrëch keen Zuch méi fueren,an opp en Tram géiffen mer nach bis Mokusdaag waarden.D'Ettelbrëcker Gare soll esou erhalen bleiwen wéi se ass an nëtt wéi zu Iechternach duerch en Neibau deen egal waat ass ersaat ginn.
Daat sëlwécht gëllt och fir d'Eisebunns Streck vun Ettelbrëck opp Diekrëch,do sollen emol Pläng gemach ginn wéi déi Stréck méi attraktiv ze machen ass,eventuel mat enger Verlängerung bis opp Gilsdrëff.Daat sëlwecht gëllt och fit Strecken vun Ettelbrëck opp Bissen an vun Klengbëtteng opp Stëngefort.Vun der Streck vun Woltz opp Baaschtneg (Ligne 164) do ginn ëtt jo an der Belsch(Wallonie chemin de fer 34 projets) ganz konkret Pläng fir déi erëm ze aktivéieren.Wann een wéi ons Regierung ët virhuet dem öffentlëchen Transport Prioritéit ze ginn dann därff een nët méi Strossen bauen,dann muss een d'Eisebunn an den Tram revaloriséieren,ouni wenn an awer,wëll sos ass daat ganzt den Pabeier net wert opp deem et drop steet.

Ech wollt mol froen op ët seit de leschte Waalen beim Projet "Nei Ettelbrëcker Gare" een neie Moment gët?

Ech perséinlëch wier jiddefalls frou wann déi aal Gare ging bestoe bleiwen, an eventuell ëm eng modern Extensioun ging erweidert gin, fir de Fall wou se ze kleng wier.

Hipp écrit: Mir hu jo een Nohaltegkeetsminister den se beroden kann!

Wéi et mat deenen hirer Kompetenz ass, wesse mer jo zanter kuerzem! Stechwuert: Bissen!

Wann een dës Foto vun Iechternach gesait, versteht een dat d'Liewesdauer vun enger neier Gare/Busgare nët méih 100 Joër a méih sin:


Zou Ettelbréck kënnen sëch ët jo nach eng Kéier iwerleeën op se nët awer léiwer hier aal mat Haasteng gebauten Gare wëllen haalen, oder se esou ewéi (virun 40 Joër) zou Iechternach oofrappen an eng nei dohinner knuppen.

Mir hu jo een Nohaltegkeetsminister den se beroden kann!

Ech giff och mengen, dat déi aal Ettelbrëcker Gare, vu Grond op renovéiert mat eventuell engem modernen Ausbau, méih lang représentativ wier, ewéi een Neibau. Nei modern Gebaier sin natirech déi éischt Joëren méih spektakulär. Dëst hëlt awer mat de Joëren ganz séier of, well modern Gebaier haalen keng 100 Joër.

Wann dei aal Gare vun Ettelbreck ofgerappt sollt gin, setzt de Buergermeschter sech mat der neier Gare een Denkmal fir dei nächst 40 Joer (speitstens dann, get dei awer och erem ofgerappt, wann net schons eischter!).

Wann dei aal Gare awer erhale bleiwt a renoveiert get, setzt een sech een Denkmal fir dei nächst 150 Joer!

Politiker an Architekten dei hautzudags nach wellen esou schei Gebaier mat Haasteng-Fassade ewei d'Ettelbrécker Gare mutwelleg ewegrappen, hun nach emmer net verstan wat Nohaltegkeet ass. Esou ee Gebai kritt een nie mei zreck.

Daat ganzt wonnert mech nit am gerengsten.Hei greifft Korruption souwisou emmer mei emsech.
Eis sou genannten Politer,keen Fazz besser.All Farwen.
Dat Gebei ass an engem gudden Zoustand,awer een Schandfleck ass dat aalt Zollgebei wou sech den ganzen Daag iwer dei glungensd Persounen rem dreiwen.(Drogen-Dealer?????)
Ech senn vill op der Nordstreck ennerwee(Fotoen) an domat och offt op der Ettelbrecker Gare.

Lg schvit

dieluxemburgereisenbahnnordstrecke.npage.de/

D'Ettelbrécker Gare as eent vun deenen schéinsten Gebaier vun Ettelbréck. Sie bild zesummen mat deenen aneren Garen vun der Nordstreck en typeschen Ensemble vun Garen aus der ällsässescher Zäit. Sie feiert 2012 hieren 150sten Geburtsdag.
Sie as baulesch gesin an perfektem Zoustand ( an hat praktesch keen Krichschued ) an bräicht am Fong nëmmen bannen e bëssen oppoléiert an moderniséiert ze gin. Grouss genuch as sie jo och, well sie huet nach Platz fir 2 Geschäfter, 2 Appartementer an e Buffet.
Et as en absoluten Skandal an eng Respektlosechkeet vun eiser Vergaangenheet esou een imposant, historescht Gebai ofzerappen fir et duerch eng ellen an charakterlos Betons Këscht ze ersetzen.

Waat dem Faas de Buedem ausschléit: Deen Tunnel, deen op d'Platz vun der Gare soll kommen as total onnéideg : hien verschléngt en Heedegeld, féiert zu enormen, techneschen Problemer ( onstabilen suppeschen Ennergrond, Iwwerschwemmungsgebitt, Risiko vun Rëss an den Nopegheiser) , wärt d'Awunner 8-10 Joer belästegen an léist de Verkéiersproblem vun Ettelbréck net, mee verlagert et an den Zentrum wou den Tunnel rauskënnt. Experten aus der Baubranche färten datt den geplangten Rondpoint bei der Ausfahrt vum Tunnel de Verkéier net packen wärt, wat zu engem totalen Verkéierskollaps féiren géif.

D'Politiker an Ponts et Chaussées kruten vun Ettelbréck 21 eng ganz Reih vun Alternativen virgeschlo an sin sech och villen Problemer bewosst, mee irgendwéi wëllen sie den Tunnelprojet net faalen loossen. Et schéint hei méi em déi Terraien ronderëm ze goen an et läit op der Hand, datt hei no den Interessen vun Promoteuren gekuckt gëtt.

Alt erëm soll en onersetzbart lëtzebuerger Monument der Geldgier vun enger Minoritéit an dem blannen Aktivismus (bedingt duerch d'Profilneurose) vun enger Partie Politiker zum Affer faalen.

Armt räicht Land!

do kann ech dem charel1604 nemmen rechtgin


ech fannen daat schein, wann een herno Aal gebaier nach niewt neiem material kann kucken...

och feelt et herno un unhaltspunkter op aalen fotoen vir mat haut ze vergläichen.....

wann se se weinstens geifen oofrappen well se baufälleg wier...mee se ass jo awer nach tiptop :ohmy:

Kuckt iech de Film iwert d'Enn vun der Iechternacher Gare un, a macht duerno bei deser Emfro mat!

E Samsten stung am Wort zou Ettelbrëck wier enner annerem een neit "Zuggästegebäude" geplangt. Ass dat ee neit Wuert fir Gare?

Fir déi ganz Neigestaltung vun der Gare Ettelbrëck sin 47,5 Milliounen Euro virgesin.

Wëll d'Ponts&Chaussées d'Ettelbrëcker Gare just wéinst dem geplangten Stroossentunnel ofrappen, oder huet och d'Eisebunn Grënn fir eng nei Gare?

Wéi ass ët iwerhaapt mat dem Megaprojet "Stroossentunnel" no de Wahlen bestallt?

Fränk

De Moment laafen Discussiounen fir d'Gare zu Ettelbrëck ofzerappen an duerch ee modernt Gebai ze ersetzen.

Eng Alternative wier, dat aalt schéint Gebai ze renovéieren, an eventuell eng modern Annexe (ewéi zu Belval-Université) iwert d'Quaiën ze bauen. Dëst ging och d'Problemer vun Héichwasser an Unterführungen aus der Welt schaafen.