Güterween bei den 5519 Sonnerzich

@ UP3985

jo, ausser dei "speziell" weenercher, mee dei normal waren jo awer gro oder rout

>> an daer fuerw sin se jo net gelaaf

Nujee...dee Groen vläit net.

Moien
Ech stemmen ersch zou (Misch an Dan) dass viel aberscht fir die maschin ze enerhaalen mee dat mescht eis freed wann ma se reem heizen fir domat ze fueren. Just nach eng kleng info den groe won wou wasser Tanken sinn dass de leschten typ wat cfl nach huet,an am Gs (de bronge won) do sinn geschier dran fir maschin ze flecken dass ou sech eng kleng werkstat op rieder.Reserv vun kuelen sin am TMS mee get just op lang strecken mat gehol.
Bis dem next.

sin dem misch senger meenung

ausserdem sin daat dach och waggoen, dei een am normalbetrieb net mei gesäit, also och historescht material

se loo wegmann-gring unzesträichen geif net passen ( fannen ech mol ) , an daer fuerw sin se jo net gelaaf

Salut

Neischt fir ongut, mee dat do ass Nietenzielerei.
Sollen mer net Frou sin dass iwerhaapt esou Zich an Lokomotiven nach fueren an dat et Leit gin di hir Freizeit opferen wir un den Zich ze schaffen.

Dei Wagoen mussen eben matfueren an ech fannen si steieren net.

Merci
Misch

Salut,

Mir sin eis eenz: d'5519 ass eng Güterzuchlok an eng Damplok brauch op längeren Distanzen méih Kuelen a Wasser ewéi an den Tender gin, an et steht och nët méih an all Gare ee Wasserkran.



Meng Fro ass: Wier et nët méiglech déi Güterween duerch ee Packwon ze ersetzen, an d'Tanken doranner ze setzen? Oder op mannst d'Güterween farwlech op déi ganz Wegmann-Rame ofzestëmmen?

Bis dann,

Heng

PS: ech muss dem Yves awer och Recht gin dat déi aktuell Konstellatioun nach besser ass ewéi eng Zetär an en openen Gidderwon!

Et ass fréier ni eng 55er mat Wegmänner gefuer, mä dat stéiert anscheinend keen...

Salut,

ganz einfach: well eng Damplokomotiv Kuelen a Waasser brauch!
An deenen Wagonen ginn di Saachen matgefouert.

An dat ass mir perséinlech vill leiwer wi dat wat se am Ausland gär machen, nämlech eng Zetär an en openen Gidderwon hannert d'Lokomotiv hänken. Do fannen ech et absolut vertriedbar datt een di Saachen an sou Ween mathellt an se praktesch verstoppt fir den Gesamtandrock vum Zuch net ze steiren.

Et war fréier iwwregens vollkommen normal datt Persounenzich Gidderween matgefouert hunn, well Kuelen(a spéider Diesel) waren déier an et ass oft bis op de Maximum vun der Kapazitéit gelueden ginn.
Spéider goufen et dunn nemmen nach Postwagonen di op Persounenzich gefuer sinn.

Ech hunn irgendwou eng Kéier eng Foto gesinn vu genee sou engem Ramm wi si lo op Saarbécken gefour ass(4 Wegmänner a 4 gedeckte Gidderween) di mat enger belscher HLE 26 zu Arel op der Gare steet.

Haut wier et net méi meiglech sou Zich fueren ze loossen, schon eleng well de Cargo an de Persounentransport getrennt sinn.

Mat beschten Gréiss

Yves

Salut,

Virwat ginn eigentlech déi ellen Güterween bei den Sonnerzich mat der Damplok 5519 matgeholl?



Déi passen jo awer guer nët derbai, oder gouf et och fréier Persounenzich mat Güterween?

Wier et nët méiglech déi duerch ee Packwon ze ersetzen? Oder se op mannst mol farwlech op déi ganz Wegmann-Rame ofzestëmmen (dh. se Wegmann gring unzestraichen)?

Bis dann,

Heng