Zich en panne op der Kléngbettener Stréck

Haut de Mëtteg ass alt neess emol d'3002 zu Kléngbetten en panne gefall, Géint halwer siwen koum dun eng 4000er fir den Zuch mat der 3002 oofzeschleefen, T'ass déi éischte Kéier dass ech eng 4000er op der Kléngbettener Streck gesin hun, Bestëmmt war awer och schon mol virdrun emg 4000er hei fir eng 3000er oofzeschleefen.
Hei e puer Foto'en an de Video vun der Oofschleefaktioun, Gesäit een och net all Dag (oder vläicht awer?).
Dono koum dun een 2200er Autorail als Asatzzuch an den Asaz.


.

.

D'CFL gett kreativ
Well een Zuch gefeelt huet gouf eng Z2200 geholl fir op Kléngbetten um 17.52
Natirlech gouf den Trajet Kléngbetten - Arel suppriméiert, well d'2200 net kann op Arel fueren, Baussen um Zuch an och bannendran stung awer "Destination Arlon"
Do war wuel de Wonsch de Papp vum Gedanken

Dofir ass den IC vun 18.10 fir op Bréissel alt neess zu Kléngbetten stoe bliwen fir d'Leit aus dem 2200 mat op Arel ze huelen... Mol eng Rame M6 mat SNCB zu Kléngbetten um Arrêt.

Wär et net besser anert Material ze huelen???

Dëss Woch ass kéng gudd Woch fir d' CFL 3000er

E Méindeg de Moien si schon e puer Zich ausgefall well eng 3000er zu Arel net méi wollt. Resultat: den RB 06.35 zu Arel fort ass ausgefall. A well d'CFL net esou séier Asaz huet och direkt 1 oder 2 aner Zich...

Geschter Dënschdeg dun um 13.15 zu Kléngbetten: Ausfall vun enger 3000er déi 2 Stonnen um Gleis 2 gehënnert huet... Mat der Konsequenz dass e puer Zich ausgefall sin...

Haut de Mëtteg um 16.36 zu Mamer: Ausfall vun enger 3000er um Wee fir op Arel. D'RB vun 16.52 huet d'Passagéier an d'Zuchpersonal matgeholl... Wéi lang desen Zuch elo do um Gleis 1 hënnert weess ech net.

Äh sorry mee dat ass ee ganz schlechte Score! Wär et net beser d'CFL géif sech bei der SNCB 2 oder 3 Desiro'e léinen fir d'Streck op Arel? Fir de Client wär et op alle Fall besser!

Hei dann och d'Video'en vum ausserplanméissegen Halt vun den IC zu Kléngbetten.
Den Asazzuch um 21.05 war dun awardungsgeméiss en Z2200 (den 2219).
Haut um Sonndeg ass d'2216 op der Streck ennerwee gewiecht.


...

...

Dëse Samschdeg 14. Mee huet d'CFL 3002 owes zu Kléngbetten opgin. No der Arrivée vun der RB um 19.05 war zu Kléngbtten Schluss an d'Lok konnt net méi zréck an d'Stad.
Konsequenz: d'RB vun 20.15 ass och ausgefall.
Fir awer d'Client'en net ze laang waarden ze loossen well de Weekend jo nemmen all Stonn 1 Zuch fiert, sin den IC vu Bréissel an och den IC fir op Bréissel requisitionnéiert gin. Ausnahmsweis hat esou all Gare op der Kléngbettener Sreck eng direkt Verbindung mat Bruxelles-Midi !

Haut de moien huet missen eng SNCB Desiro vun enger CFL 3000er oofgeschleeft gin.
Esou gesin op der Gare Lëtzebuerg géint 7.25 Auer. Gesäit een och net all Dag

Haut de moien huet den RB7656 vun 6.58 zu Kléngbetten opgin. Wuel koum en nach pünktlech vun Arel zu Kléngbetten un, mee "Suite à de graves problèmes techniques, le train est supprimé entre Kleinbettingen et Luxembourg". Zu Kléngbetten war Endstatioun.Gudd dass et nach ee Gleis 3 gett, esou konnten um 7.16 Auer 3 Zich gläichzäiteg an der Gare vu Kléngbetten stoen, woubei et extrem selten ass, dass een Zuch vum Gleis 3 weider op Arel firt.Ass eventuell gewosst ob ab Fahrplanwiessel dëse Weekend d'1300er durch 1800er asat gin? Et géif esou lues Zäit gin.

De Problem ass wuel greisstendeels beim Fuermaterial, an net bei der Streck. D'3000er sin net mei dei allerneitst an weisen emmer mei Problemer op. D'2017 war an dem Fall bis opt Grenz gefuer, well dei mat speziellen Kameraen equipeiert gouf, vir d'Catenairen ze filmen, also vir ze kontrolleieren. Dat huet neicht mat irgendenger Problemleisung ze din, dat get regelmeisseg gemach.

Geschter war kee gudden Dag fir d'Desiro Automotricen op der Kléngbettener Stréck: speziell nom Départ zu Kléngbetten fir op Arel schéint ee Problem gewiecht ze sin. Scho gëschter Moien stung d'RB 5826 um 6.50 Auer während gudd 5 Minutten direkt virun der Barrière du Kléngbetten, an och dee ganzen Dag durch haten d'Desiro hir Problemer an hun op de läschten Meteren vum CFL Réseau schlagméisseg eng Vollbremsung gemacht.
Dëse Problem haten d'SNCB 1300 an CFL 3000 awer net.
Dun ass geschter um 18.21 och nach d'SNCB 1807 mat enger Rame belsch Dosto durch Kléngbetten gefuer, och ouni Problemer.
Haut de Moien dun war et net besser. D'RB 5826 huet et mol iwerhapt net bis op Arel gepackt a war op Kléngbetten limitéiert. Hoffentlech gett dee Problem geschwenn geléist.

Haut de Moien huet et eng Desiro zu Kléngbetten getraff. Hei d'Biller vun der Oofschleefaktioun um 7 Auer.
D'8503 stung fir d'éischt um Quai 3, vu wou se Rg Belsch op d'Gleis 1 gewiesselt ass. Währenddeem stung den RB vun 6.58 fir op Lëtzebuerg a Siichtwäit hannendrun a krut wéinst där Aktioun 8 Minutten Verspéidung. All Zich sin während där Zäit iwert d'Gleis 2 gefuer. D'Barriär zu Kléngbetten ass rop an roof gangen, wat nawell zu zolittem Stau gefouert huet.

Zanter e puer Wochen sin erem öfters Zich en panne op der Kléngbettener Stréck:mol den Bréisseler IC an der Gare Mamer wou d'Leit hu missen an den RE fir op Arel emklammen, mol en RE mat enger CFL Lok tëschent Klengbetten a Capellen, etc.Gëschter huet den RE vun 16.22 fir op Arel et just 100 Meter aus der Gare Lëtzebuerg gepackt, an do d'Gleiser blockéiert.Haut de Moien ass den CFL 2017 op der Kléngbettener Streck ennerwee gewierscht; ech hun en hannert Kléngbetten gesin, wou en bis op d'Grenz gefuer ass! Ech huelen mol ganz stark un dass et sech hei em en train de mesures handelt fir där Panne-Serie op de Grond ze goen.Hei e puer Foto'en an de Link fir de Video vum 2017 tëschent Kléngbetten an der Grenz.