Hei ass d'Äntwert déi mer vum Änder BRUNS kruten:
"Et ass de Keller vum fréieren Polfermagaséng Obergrünewald, dat huet mussen beim Bau vun der Eisebunn ofgerappt ginn. En neit Polfermagaseng ass dunn am Fort Obergrünewald gebaut ginn.
Dee Keller hat Lëftungsschlitzer a sollt de Magaséng uewendriwwer vun der "Erdfeuchtigkeit" isoléieren.
Well dat awer en zolitt Mauerwierk mat Kalleksspeis aus dem 18. Jorhonnert wor, wor et net esou einfach an domatter deier fir et komplett ofzerappen.
D'Béi vum Gewöllef si vermauert ginn an et ass zum Gleis hin eng (haut gréng?) Eisendir dra gemach ginn. Dëse Raum mat ganz schéine Kräizgewölber ass lang Zäit vun den Rotten vun der Eisebunn als Materiallager benotzt ginn. Den historeschen Agank vum Keller op der anerer Säit ass viru puer Joer vum Service des sites et monuments nationaux fräigeluecht a gesëchert ginn.
Dat Häischen op der rietser Säit gehéiert zu engem PN deen do - op manst zur Festungszäit - wor. Et wor den eenzege Wee iwwert dén de Fort ze erreeche wor.
Mat dem Text op der Kaart verhält et sech wéi oft mat de Bildzeilen an den Zeitungen. Deen deen se gemach huet wousst net vu wat e geschriwwen huet...
Am Koltz, Baugeschichte der der Stadt und Festung Luxemburg, kann een verschiddenes dozou noliesen.
Déi Kaart get och an enger koloréierter Versioun."
Google-Map kann nicht angezeigt werden. Für mehr Details; bitte den Administrator kontaktieren.
Deutsch 
Lëtzebuerg 
Français 
English 
